پښتو | English
ebound Live Stream
تازه خبر:

هاشمي: قطري سوداګر افغانستان کې پانګونه کوي
نیټه: Tue, 24 May 2016 14:09:49 +0000

 

 

جمهوري ریاست وایي قطري سوداګر چمتو دي په افغانستان کې پانګونه وکړي.

د ولسمشر یوه ویاند سید ظفر هاشمي د سې شنبې په ورځ خبریالانو ته وویل، تمه کېږي له قطر څخه د سوداګرو یوه ډله هم افغانستان ته راشي او په بېلابېلو برخو کې د پانګونې وضعیت وڅېړي.

"د قطر سوداګرو په ځانګړي توګه درېیو برخو کې پانګونې ته لېوالتیا ښودلې، لومړی برخه بانکداري ده، دویمه برخه د کرنې او دریم هم په افغانستان کې د انرژۍ د تولید ده."

دا په داسي حال کې ده چې د سوداګرۍ او صنایعو خونه وایي په افغانستان کې پانګونه ۳۰ فیصده را کمه شوې ده.

ولسمشر اشرف غني د غبرګولې په لومړۍ نېټه په دوه ورځني سفر قطر ته ولاړ.

 

په فیسبوک کې شیر کول

بېرته شاته