پښتو | English
ebound Live Stream
تازه خبر:

شمالي کوریا: امریکا به په یوي نوي درد اخته کړي
نیټه: Wed, 13 Sep 2017 10:21:19 +0000

 

شمالي کوریا د ملګرو ملتونو له نويو بندیزونو وروسته امریکا ته خبرداری ور کړ، داسې درد به ور کړي چې تراوسه یې لیدلي نه وي.
په ملګرو ملتونو کې د شمالي کوریا استازي پر واشنګټن تور ولګاوه چې له پیونګ یانګ سره د سیاسي، اقتصادي او پوځي ټکر لار یې غوره کړې ده.
 د ملګرو ملتونو امنیت شورا وړمه ورځ د رایو په اتفاق پر شمالي کوریا نوي بندیزونه ولګول چې له مخې یې دغه هېواد ته د تېل او ګاز صادرات محدودېږي او د دغه هېواد پر ټوکر یا نساجي محصولاتو صادرولو هم بندیز لګېږي.
دا بندیزونه د شمالي کوریا د شپږمې او تراوسه د تر ټولو لویې اتومې تجربې وروسته لګېږي.
د بندیزونو د لومړني پرېکړه لیک له نرمېدلو وروسته چین او روسیې هم پر شمالي کوریا د نویو بندیزونو د لګېدلو ملاتړ وکړ.
 شمالي کوریا وايي، اټومي پروګرام یې د بشپړېدو په حال کې دی.
په ملګرو ملتونو کې د شمالي کوریا استازی هان تای سونګ وايي، دا بندیزونه "ناقانونه تړون دی" او ردوي یې.
د بندیزونو لومړني پرېکړه لیک د شمالي کوریا د تېلي وارداتو یو مخ بندول غوښتل، چې د ځینې شنونکو په وینا په دغه هېواد کې یې بې ټیکاوي پیدا کولی شوه.
خو دا اندېښنه پیدا شوه چې که دا ډول بندیز لګېږي په ژمي کې به خلک له ستونزو سره مخ شي.
د شمالي کوریا ټوکر د دغه هېواد مهم صادرات دي.
د تېلي محصولاتو واردات محدودېدل، چین د شمالي کوریا تر ټولو لوی سوداګریز ملګری دی چې د دغه هېواد ډېر خام تېل برابروي.
د شمالي کوریا د ټوکر یا منسوجانو پر پلور بشپړ بندیز چې د دغه هېواد دویم لوی صادرات دي او ترې ۷۰۰ میلیون ډالره عاید لري.
د شمالي کوریا کارګرو ته بهر ته د تللو لپاره پر نویو ویزو بندیزونه لګول چې د امریکا په خبره، د پیونګ یانګ ۵۰۰ میلیون ډالره مالي عاید کموي.
د شمالي کوریا د مشر شتمني او بهر ته د هغه پر سفر بندیز لګول هم له لومړني پرېکړه لیک لرې شول.
خو بیا هم د امریکا ولسمشر د نويو بندیزونو په هکله وايي، چې دا یو کوچنی ګام دی، لوی ګام نه دی.
"باوري نه یم چې اغېز به ولري، خو ښه ده چې ټولو ۱۵ غړو هېوادونو رایه ور کړه، خو دا بندیزونه د هغه څه پرتله دومره څه نه دي چې بالاخره باید ترسره شي".

 

 

په فیسبوک کې شیر کول

بېرته شاته