پښتو | English
ebound Live Stream
تازه خبر:

چارواکې: پاکستان غواړي په ښکاره ډول له وسله والو ډلو سره همکاري وکړي
نیټه: Sat, 07 Oct 2017 10:19:23 +0000

 

د ننګرهار ولایتي اداره وايي، له تېرو دوو میاشتو راهیسې پاکستاني ځواکونه د ډیورنډ کرښې دې غاړه د ننګرهار پر یو شمېر سیمو راکټي بریدونه کوي.
د ولایت ویاند عطالله خوګياڼی وايي، د پاکستان له خاورې دغه روان بریدونه اکثره په هغو سیمو کېږي چېرته چې افغان حکومت غواړي د دولت د وسله والو مخالفينو پرضد عملیات وکړي.
نوموړی وايي، له دې بریدونو داسې ښکاري چې پاکستان په ښکاره ډول غواړي، له وسله والو ډلو سره همکاري وکړي.
په ورته وخت کې د ننګرهار د ولایتي شورا غړی ذبيح الله زمری هم وايي، د روانو راکټي بریدونو له لارې پاکستان غواړي چې د افغان ځواکونو بريالي عمليات له خنډ سره مخ کړي:
د ننګرهار یو شمېر اوسېدونکي بیا له افغان حکومته غوښتنه کوي چې د دې روانو بریدونو په اړه باید جدي تصمیم ونیسي، ځکه دغو بریدونو خلک مجبور کړل چې خپل کلی او کور پرېږدي او نورو سیمو ته کډه شي.
"زه ډاکټر ایوب یم، د پاکستاني بریدونو په اړه حکومت هېڅ هم نه کوي، ځکه له ډېر وخت راهیسې دا بریدونه روان دي او تر اوسه چې موږ اورېدلي، ماشومان او ښځې هم په دې بریدونو کې لګېدلي، د خلکو مالونه تلف شوي، نو باید مخه يې ونیول شي."
د ننګرهار د ولایتي ادارې د معلوماتو له مخې، له تېرو دوو میاشتو راهیسې پاکستاني ځواکونو د ننګرهار په لعلپورې، نازیان او د اچین ولسوالیو په ځينو سیمو د توغندي او راکټونه توغولي چې تر دې مهاله په دې بریدونو کې، دوه ماشومان وژل شوي او دوه نور زخميان شوي دي.

 

په فیسبوک کې شیر کول

بېرته شاته