پښتو | English
ebound Live Stream
تازه خبر:

په کابل کې د کرکټ معیاري اکاډمي پرانیستل شوه
نیټه: Thu, 12 Oct 2017 12:01:57 +0000

ابدالي کرېکټ اکاډمي، چې د هېواد په کچه ترټولو ستره او معیاري کرېکټ روزنیزه اکاډمي ده، نن ورځ د یو لړ مراسمو په ترڅ کې رسما ګټې اخیستنې ته وسپارل شوه.

دغه رزونیزه کرېکټ اکاډمي د کابل په احمد شاه بابا مینه کې د څرخي پله عمومي سړک ته څېرمه ودانه شوې، چی په یو وخت کې د سلګونه لوبغاړو د روزلو ظرفیت لري.
د دغې روزنیزې کرېکټ اکاډمي روزونکي او د افغانستان د کرېکټ بورډ پخواني لوړ پوړي کارکوونکي نظیم جار عبدالرحیمزي په خپلو خبرو کې دغه اکاډمي د افغانستان د کرېکټ په پرمختګ کې مهم قدم یاد کړ.
د جار په وینا، دغه کرېکټ اکاډمي ۹ خاورین او سمینټي پیچونه لري، چې په ۳ بېلابېلو وختونو کې به له ۵۰۰ تر ۱۰۰۰ پورې لوبغاړي روزل کېږي.
د روزونکي په وینا، اوسمهال ۱۰۰ لوبغاړي هر ورځ په اکاډمۍ کې تمرینات کوي او هم به د ژمي په موسم کې روزنه دوام ولري.
نوموړي دغه راز وویل، په هېواد کی اوسمهال د تېزو بالرانو کمښت دی چی دوی ژمن دي د اف سپنر بالرانو د برابرولو ترڅنګ په دې برخه کې هم تکړه لوبغاړي د هېواد کرېکټ ته وړاندې کړي.
د افغانستان د ورزشي خبریالانو فدراسیون مشر سایر ځلاند هم د ابدالي کرېکټ اکاډمۍ پرانیسته د کرېکټ پرمختګ کیلې یادې کړې او په دې برخه کې یې د ورزشي خبریالانو د پوره همکارۍ ډاډ ورکړ.
ابدالي کرېکټ اکاډمۍ د ۵ میاشتو په موده کې د ۳۰۰ زرو ډالرو په لګښت جوړه شوې ده او د نورو اړتیاوو پوره کولو چارې هم روانې دي.

 

په فیسبوک کې شیر کول

بېرته شاته