پښتو | English
ebound Live Stream
تازه خبر:

له هند څخه افغانستان ته۱۳۰ ټنه غنم راورسیدل
نیټه: Thu, 02 Nov 2017 11:56:12 +0000

 

له افغانستان سره د هند د غنمو د مرستو هغه لومړۍ جوپه چې ۱۳۰ زره ټنه غنم دي پرون د ایران د چابهار بندر ته ورسېده چې څو ورځې مخکې د هند له کندلا بندر څخه په کښتیو کې بار شوي و.
د هندي رسنیو د راپورونو له مخې دا د هغو ټولو ۱،۱ میلیون ټنه غنمو یوه برخه ده چې هند یې له افغانستان سره د مرستې ژمنه کړې ده.
د نړیوال ټرانسپورت او سوداګرۍ د دغه نوي دهلېز درې اړخیز تړون د ۲۰۱۶ کال په مې کې په تهران کې د درې واړه هېوادونو د مشرانو ترمنځ لاسلیک شوی دی.
هند له افغانستان سره د سوداګرۍ د اړیکو د پیاوړتیا لپاره پر دې سربېره د کابل او نوي ډېلي ترمنځ د بار وړونکو الوتکو یو هوایي دهلېز هم په دې وروستیو کې پرانیستلی دی.
هند تر اوسه له افغانستان سره د شااوخوا درې میلیارده ډالرو مرسته کړې ده.
افغانستان تمه کوي چې په بشپړه توګه د ایران د چابهار بندر په فعالېدو سره به د ټرانسپورت او د سوداګرۍ په برخو کې د دې هېواد ډېره اتکا چې اوس په پاکستان ده راکمه شي.

 

په فیسبوک کې شیر کول

بېرته شاته