پښتو | English
ebound Live Stream
تازه خبر:

د ټاکنو کمېسیون وايي د ننګرهار دریو ولسوالیو کې د ټاکنو ترسره کیدل ستونزمن دي
نیټه: Sat, 14 Apr 2018 10:57:35 +0000

دننګرهار په مرکز جلال اباد ښارکې د راتلونکو پارلماني او ولسوالیو شوراګانو دټاکنو لپاره د نوم ليکني بهير پيل شو

 دټاکنوخپلواک  کميسيون مشر وايي دننګرهار په حصارک ٬شيرزاداو٬هسکه مينه ولسواليو کې د امنيتي ننګونو له امله ټاکني ستونزمني دي

خو دولایتي اداري چارواکي بیا ډاډ ورکوي او وايي هغه ولسوالۍ چې د ټاکنو د ترسراوې پر وړاندې په کې امنیتي ستونزې شته د راتلونکو ټاکنو تر مودې پورې به پکې شته امنیتي ستونزې حل شي او د ټاکنو دترسراوې لپاره به پکې زمینه برابره شي

د ټاکنو خپلواک کمیسیون ریس وايي چې د ننګرهار په مرکز جلال اباد ښارکې  په راتلونکو ټاکنو کې د ګډون په موخه د رواني میاشتي له پنځه ویشتمي نیټي دراتلونکي میاشتې د درویشتمي نیټي پوري نوم لیکنه دوام وکړي او ترهغې وروسته به په لسوالیو کې د نوم لیکني بهیر پیلوي خو دولايتي شورا منشي وايي دټاکنو کميسيون له لورې په ټاکنو کې د ګډون لپاره دنوم ليکني وخت کم دی چې له امله به يې ټول خلک د نوم ليکني په پروګرام کې ګډون ونشي کولی .

دوي غوښتنه کو چې د نوم ليکني لپاره دې ټاکلي نېټه وغځول شي

که څه هم دټاکنو کميسيون يواځې دننګرهار په دري ولسواليو کې د رڼو ټاکنوترسره کيدل ناشوني بولي خو عام باور دادی چې له يادو دري ولسواليو وراخوا دننګرهار په زيات شمير ولسواليو کې رڼي او شفافي ټاکنو ناشوني دي

 

په فیسبوک کې شیر کول

بېرته شاته