پښتو | English
ebound Live Stream
تازه خبر:

ډونالډ ټرمپ د افغانستان د تګلارې په اړه مایوسي ښودلي
نیټه: Wed, 11 Jul 2018 13:37:24 +0000

 

دې چارواکي ویلي چې ښايي ولسمشر ټرمپ به په راتلونکو څو میاشتو کې د افغانستان تگلارې په اړه بیا نظر کتنه وکړي
ټرمپ تیر کال د افغانستان په اړه خپله نوي تګلاره اعلان کړه او په دې تګلاره کې یې ویلي چې افغانستان کې به عسکر پاتې شي
د امریکا یو لوړپوړي چارواکي رویټرز ته ویلي دي چې ولسمشر ډونالډ ټرمپ د افغانستان لپاره د تگلارې د یو کال د تیریدو وروسته خپله مایوسي څرگنده کړیده او ښیي دغه تگلارې ته بیا نظر کتنه وشي
د امریکا دغه چارواکي رویټرز ته د نوم د نه څرگندولو په شرط دغه معلومات ورکړیدي،
هغه ویلی چې په سپینې ماڼۍ کې داسې اشارې لیدل شوی  چې ولسمشر ټرمپ به په راتلونکو څو میاشتو کې د افغانستان تگلارې ته بیا نظر کتنه کوي
ولسمشر د تیر کال د اگست په میاشت کې د افغانستان لپاره د خپلې نوې تگلارې د اعلانولو په وخت ویلي و چې په افغانستان کې به عسکر پاتې شي. 
ولسمشر ټرمپ د افغانستان لپاره د تگلارې په اړه ویلې و چې دا بیخې سمه خبره نه ده چې امریکا د عسکرو د تگ او یا د وتلو نیټه وټاکي خو امریکا به د امنیت د وضعیت په اساس دا ډول پریکړې وکړي.
دغه چارواکي وویل چې ولسمشر ټرمپ د افغانستان په اړه د تگلارې د پرمختگ د نه کولو له کبله خپله مایوسي ښودلې ده.
د یادونې وړ ده چې ولسمشر ټرمپ په افغانستان کې د عسکرو د پاتې کیدو خلاف و خو د هغه مشاورینو هغه پدې قانع کړو چې په افغانستان کې عسکر پاتې کړي. 
ولسمشر ټرمپ تیر کال افغانستان ته نور ٣٠٠٠ عسکر هم واستول.
د ولسمشر د تگلارې نه یو کال وروسته په افغانستان کې وضع خرابه ده او افغان ملکیانو سخت تاوانونه گاللې دي. طالبان د کلیو نیولو ته دوام ورکړیدی خو ښاري سیمې نشي نیولی. 
دغه لوړپوړې چارواکې وویل چې په دغه بیا نظر کتنه کې به د تگلارې هر اړخ ارزول کیږي او دا چې تروسه پورې څه پرمختگ شویدی.
سپینې ماڼۍ تروسه پورې پدی اړه تبصره نده کړی.

 

په فیسبوک کې شیر کول

بېرته شاته