پښتو | English
ebound Live Stream
تازه خبر:

د ایران ولسمشر حسن روحاني پر امریکا سخت انتقاد وکړ
نیټه: Mon, 11 Feb 2019 13:10:43 +0000

 

د ایران ولسمشر په دې هېواد کې د اسلامي انقلاب د څلوېښتمې کلیزې په مراسمو کې پر امریکا سخت انتقاد وکړ.
حسن روحاني نن د تهران په میدان ازادي کې د وینا په ترڅ کې وویل چې د ایران شاهي نظام چې د امریکا له ملاتړه برخمن و، دا هېواد سره وېشلی و.
د ایران ولسمشر دغه راز وویل چې هېواد به یې د توغندیو پراختیایي پروګرام ته دوام ورکړي.
په تهران او د ایران په نورو ښارونو کې د حکومت له خوا په تنظیم شویو لاریونونو کې سلګونه زره کسان د ایران د ۱۹۷۹ کال د اسلامي انقلاب چې په دې هېواد کې یې شاهي نظام ته د پای ټکې کېښود، ۴۰مه کلیزه لمانځي.
د ۱۹۷۹ کال د فبرورۍ په یولسمه د دغه انقلاب د بنسټ ایښودونکي ایات الله روح الله خمیني پلویانو شاه رضا پهلوي چې د امریکا له ملاتړه برخمن و، له واکه لېرې کړ.
په ایران کې د اسلامي انقلاب کلیزه هرکال د فبرورۍ په لومړۍ نېټه هغه مهال چې خمیني له تبعیده بېرته هیواد ته ستون شوی و، لمانځل کېږي او د فبرورۍ په یولسمه پای ته رسېږي.

 

په فیسبوک کې شیر کول

بېرته شاته