پښتو | English
ebound Live Stream
تازه خبر:

ننګرهار کې د سولې تر سرلیک لاندې مشاعره ترسره شوه
نیټه: Sat, 04 May 2019 12:39:40 +0000

 

په ياده مشاعره کې د سولې په تړاو شعرونه وویل شول او د شاعرانو غږ د ممبر غږ وبلل شو او ترې غوښتنه وشوه چې په خپلو شعرونو کې مثبت پیغامونه د شعر په ژبه ولسونو ته ورسوي.
دوي همداراز په طالب وسله والو هم غږ وکړ چې د سولې خبرو اترو ته غاړه کیږدي او اوربند دې اعلان کړي

دغه مشاعره د سولې ترسرلیک لاندې د ويښو ځوانانو د ټولنې په نوښت جوړه شوې وه چې بیلابیلو شاعرانو په کې د سولې په تړاو شعرونه وویل شول.
د دغې مشاعرې ګډونوال وايې افغان ولسونه له جنګ جګړو ستړي شوي او له وسله والو طالبانو يې غوښتنه دا ده چې له دغه زرین فرصت څخه په ګټنې دې د سولې خبرو اترو ته غاړه کیږدي او اوربند دې وکړي .
په همدې حال کې په ياده  مشاعره کې ګډون کوونکې مولوي  د شاعر غږ د ممبر غږ یاد کړ او له شاعرانو يې غوښتنه وکړه چې د سولې او ټيکاو په اړه دې مثبت پیغامونه د خپلو شعرونو له لاري ولس ته ورسوي .
دا په داسې حال کې ده چې تېره ورځ د سولې مشورتي لویه جرګه د اوږدو بحثونو وروسته پای ته رسیدله او ګډونوالو يې د سولې او ټيکاو په اړه بیلابیلې طرحې او وړانديزونه له حکومت سره شریک کړي دې .

 

په فیسبوک کې شیر کول

بېرته شاته