پښتو | English
ebound Live Stream
تازه خبر:

وسله والو طالبانو ترټاکنو وروسته ۴۹ مخابراتي سايټونه ويجاړ کړي
نیټه: Sun, 13 Oct 2019 12:00:12 +0000

 

وسله والو طالبانو په دې وروستیو کې مخابراتي کمپنیو ته میلیونونه ډالر زیان اړولی دی. 
د افغانستان د مخابراتي خدماتو د تنظیم اداره وایي، د دولت وسله والو مخالفینو په دې وروستیو کې د مخابراتي کمپنیو ۴۹ سایټونه ویجاړ کړي دي.
 ددغه ادارې د تخنیکي سلاکار عطا محمد یاري په خبره له دې امله مخابراتي کمپنیو ته میلیونونه ډالره زیان اوښتی دی. 
هغه زیاته کړې چې ۴۹ سایټونه تر ټاکنو وروسته او یا د ولسمشریزو ټاکنو پر مهال وېجاړ کړل شوي دي. 
یاري زیاتوي چې پر مخابراتي شرکتونو د وسله والو حملې له یوې خوا عام ولس له خدماتو بې برخې کوي او له بلې خوا د مخابراتي خدماتو د ګرانېدو سبب ګرځي. 
افغان چارواکي داسې مهال دغه څرګندونې کوي چې طالبانو په افغانستان کې ځینو مخابراتي کمپنیو ته خبرداري ورکړي وو او ددوی ځينې کړنې یې استخباراتي فعالیتونه بللي وو.

 

په فیسبوک کې شیر کول

بېرته شاته